Umukinnyi rurangiranywa ukomoka muri esipanye agakinira ikipe ya FC BARCELONA, Sergio Busquets yatangaje ko azava muri iyi kipe Ku mpera z’iyi sezo.
Ni amakuru asotse muri aya masaha dore ko n’imbuga nkoranyambaga z’ikipe zabyemeje, ibi bike nyuma yaho mu mwaka ushize nabwo yari yasezeye mw’ikipe y’igihugu ya Esipanye.
Sergio Busquets ufite imyaka 34 dore ko yavutse kuwa 16 nyakanga 1988 asezeye mw’ikipe ya Barcelona amaze kuyikinira imikino irenga 700 atsinda ibitego 19 ndetse n’imipira ivamo ibitego 40 ndetse yegukana ibikombe birenga 30, uyu afatwa nk’umwe mu bakina hagati bugarira bakomeye muri iki kinyejana.
Busquets Biravugwa ko azerekeza muri Saudi Arabia muri shampiyona ikinamo kizigenza Christiano Ronaldo ndetse bikaba bivugwa ko azajyana na Lionel Messi bahoze bakinana nubwo papa wa Messi yahakanye aya makuru.
