Malaysia: Umukobwa wo muri Kenya yishwe na Cocaine yari atwaye munda

Umwe mu bakobwa banyeganyezaga imbuga nkoranyambaga zo muri Kenya yapfuye azize gutwara ikiyobyabwenge cya Cocaine mu nda.

Amakuru avuga ko Brenda uzwe nka Brendalicious, Ubwo yari mu gihugu cya Malaysia, yaje guturikirwamo n’udupfunyika twa Cocaine yari atwaye munda. Ngo ni nyuma yo kugera ku kibuga cy’indege ariko asa nufite intege nke cyane ahita yikubita hasi.

Yahise yihutanwa kwa muganga, gusa agezeyo biba iby’ubusa kuko yahise ahasiga ubuzima. Abaganga bamwakiriye bavuze ko bamusanganye udupfunyika 34 twa Cocaine munda.

Uyu mukobwa ukomoka mu gihugu cya Kenya, ngo yakundaga kugaragaza ko aba mu buzima buhenze cyane, ariko benshi ntibamenye icyo akora mu buzima bisanzwe, ibyo benshi bahise bacyeka ko yakoraga n’ubusanzwe.