Ishami ry’umuryango w’abibumbye ryita ku mpunzi HCR, riri gusabira imfashanyo abanyasomaliya ibihumbi 100, bahungiye muri Ethiopia kubera imirwano iri kubera mu gace ka Somaliland.
Ni imirwano ishyamiranyije leta n’abarwanya ubutegetsi bwa Somalia. HCR Kandi iri gusaba ko iyo mirwano yahagarara mu gace ka Ca Las Anod kugira ngo abaturage bakuwe mubyabo nayo, basubire iwabo.
Minisitiri w’ububanyi n’amahanga wa Somaliland, Essa Kayd avuga ko leta yiteguye kuganira n’abarwanya ubutegetsi ariko ko ibi biganiro bitazagaruka ku bwigenge bw’intara.
Abaturage ba mbere bavuye mu byabo bahunze imirwano bageze muri Ethiopia ku ya 06 Gashyantare uyu mwaka, bakaba bamaze kugera ku bihumbi 100 kandi uyu mubare ukaba uri kwiyongera.
